УЕФА истражува четворица играчи на Реал Мадрид
Четворица играчи на Реал Мадрид, вклучително и Килијан Мбапе и Винисиус Жуниор, се под истрага за наводно „непристојно однесување“ за време на натпревар од Лигата на шампионите против Атлетико Мадрид, соопшти Европската фудбалска федерација (УЕФА).
УЕФА објави дека назначила дисциплински инспектор да ги истражи наводите од осминафиналето меѓу двата тима на 12 март. Во случајот се вклучени и Антонио Рудигер и Дани Себаљос.
Секоја изречена забрана ќе резултира со отсуство на кој било од четворицата играчи од претстојниот дуел на Реал Мадрид против Арсенал на 8 април во првиот натпревар од четвртфиналето. Реал Мадрид се пласираше во четвртфиналето по пенали, откако Атлетико победи со 1-0 во регуларното време во реваншот од осминафиналето и го изедначи вкупниот резултат на 2-2.
Рудигер беше прецизен во одлучувачкиот пенал и ги предводеше соиграчите во претерана прослава на стадионот на Атлетико Мадрид.
Килијан Мбапе, Винисиус Жуниор, Антонио Рудигер и Дани Себаљос ја прославија победата пред трибините со домашни навивачи. Атлетико ваквото однесување го сфати како провокација и поднесе жалба до УЕФА.
Ново на Сител
-
Одржливо управување со отпадот на локално ниво - проект финансиран од Шведска
-
Охрид поголем наплив на гости очекува за Велигден
-
Преглед на вестите од светот
-
Тема на денот со иницијативата „Support Kochani“
-
Дали трагедијата во Кочани ќе ги седнe на заедничка маса политичките лидери?
-
Забрана за употреба на пиротехника во затворен простор и зголемени казни
-
ДУИ: Зошто Владата ја крие вистината за врските на агенцијата за обезбедување „Рубикон“
-
6 пациенти се враќаат од лекување во странство