Дали трагедијата во Кочани ќе ги седнe на заедничка маса политичките лидери?

Филипче на прес конференција утре ќе го презентира ставот за лидерска средба. По ова ќе биде познато дали трагедијата во Кочани ќе биде тема која на заедничка маса ќе ги седне партиските лидери. Откако вчера премиерот Мицкоски го повика Филипче лично да му го соопшти планот за ваква средба и од СДСМ денеска потврдуваат дека се ќе биде познато до крајот на неделава.

Од ВМРО-ДПМНЕ велат дека официјално барање за лидерска средба нема, но ќе го почекаат планот на опозицискиот лидер.

Власта и опозицијата имаат сличен став и за формирањето анкетна комсија во Собранието за трагедијата во Кочани. ВМРО-ДПМНЕ смета дека истата треба да се прошири и со останатите несреќи како БЕСА Транс, Ласкарци и модуларната во Тетово, а опозицијата вели дека нема ништо против ваквото барање.

Според политичкиот аналитичар Петар Арсовски пак, лидерски средби кои можат да доведат до сериозни промени во системот кои ги бараат граѓаните се добредојдени, но во ваква тензија помеѓу париите, секогаш постои можност ваквите трагедии да се искористат за политички маркетинг и театар.

Сличен е ставот на Арсовски и за евентуално формирање на анкетна комисија во Собранието. Ваквата комисија може да има ефект само ако се искористи за вистински, а не политички цели.

За разлика од ВМРО-ДПМНЕ и СДСМ, останатите партии се воздржани околу идејата за лидерска средба. според владиниот парнер ВРЕДИ, Филипче нема кредибилитет за вакво барање и лидерската би била само губење време. 

Знам прво ќе ја чекаат иницијативата, па потоа ќе решаваат дали би би седнале на иста маса со СДСМ.

Од ДУИ учеството на лидерска средба го условуваат со формирање на собраниска комисија со меѓународен надзор.