Твитот за Амал Клуни предизвика бес во јавноста
Американската новинска агенција Асошиејтид прес се најде на удар на критика на јавноста поради неодамнешното објавување на твит во кој Амал Клуни се споменува како „сопруга на Џорџ Клуни“ и покрај завидната кариера, која ја остварила како адвокат за човекови права.
Официјалниот твит, кој вчера беше објавен на твитер налогот на АП гласи: „Амал Клуни, сопруга на славниот актер, ги застапува новинарите на Ал Џазира, обвинети за поддршка на екстремистите во Египет“.
Секако нејзиниот ангажман во случајот нема никаква врска со фактот дека Амал е омажена за Џорџ Клуни, така што не е чудно што на Твитер наскоро следеше лавина од негативни коментари.
- Еј, АП, освен доколку не почнете да го споменувате Клуни како сопруг на познатата адвокатка, ПРЕСТАНЕТЕ СО ТОА, гласеше еден од твитовите.
- Како можете да очекувате дека луѓето сериозно ќе ве сфатат?, прашува друг корисник. - Каква врска има нејзиниот приватен живот со нејзината работа? Доколку и покрај фактот дека е исклучително реализирана жена и натаму Амал ја претставувате исклучиво како сопруга на еден актер, тоа е исклучително непристојно, се додава во овој твит.
И покрај тоа што јавно не се огласи, агенцијата во следниот твит на истата тема ја отстрани референцата „жена на актерот“ и наместо тоа напиша „адвокат за човекови права“.
Ново на Сител
-
Зошто тешко се гасат пожарите во новите згради? Критериумите за противпожарна заштита се застарени
-
Тема на денот со Љубомир Ѓурчевски, поранешен началник на МВР
-
„ДИГИТМАК“: Нов центар за поддршка на дигиталната подготвеност на бизнисите
-
Поништен огласот за претседател на судот во Кавадарци, Нанев немал право на трет мандат
-
Tекстилството останува без кадар, со ниски плати и непочитување на работничките права
-
Нова енергетска криза – Македонија нема да остане изолирана
-
Пожар во подрум на десеткатница во Чаир, затруени со чад повеќе од 40 лица
-
Иран го нападна Израел