Адел влезе во Гинисовата книга на рекорди

Пејачката Адел успеа да постави нов светски рекорд. Имено, Гинисовата книга на рекорди официјално потврди дека Адел на своите настапи во Минхен го имала најголемиот непрекинат ЛЕД екран на отворено.

Џоан Брент, официјален судија на Гинисовата книга на рекорди, ја изрази својата возбуда за постигнувањето на пејачката:

„Огромна чест е да ѝ ја доделам оваа титула на култната Адел. Нарачаните визуелни ефекти, прилагодени за секоја песна, навистина ги издигнаа нејзините изведби, додавајќи непобитен „wow“ фактор. Беше совршено надополнување на уметноста на Адел“.

Со вчерашниот настап во Минхен, британската пејачка Адел ја заокружи турнејата од десет настапи, во која беа вклучени по два настапи неделно во овој германски град.