Трамп: Амазон им прави голема штета на продавачите кои плаќаат данок

Американскиот претседател Доналд Трамп повторно денеска го нападна гигантот во електронската трговија Амазон, чиј сопственик Џеф Безос го поседува и весникот „Вашингтон Пост“.

- Амазон им прави голема штета на продавачите кои плаќаат данок. Местата, градовите и државите ширум САД трпат болка, многу работни места се загубени, наведе Трамп на Твитер. 

„Вашингтон Пост“ е честа мета на нападите на Трамп, како еден од медиумите, „кои не му се по волја“ и кои ги обвинува за лажни вести. 

Голем број традиционални продавници се затвораат и го обвинуваат Амазон за промена на навиките на потрошувачите, кои она што им е потребно се почесто го купуваат преку Интернет. 

Амазон меѓутоа вработува илјадници луѓе и најави дека планира до средината на следната година да вработи уште сто илјади работници.