Тешка сообраќајка кај Хиподром, пет лица повредени меѓу кои и малолетничка

Вчера во 18.35 часот во СВР Скопјe било пријавено дека на автопатот „Мајка Тереза“-клучка Хиподром се случила сообраќајна несреќа помеѓу патничко моторно возило „бмв 318“ со австриски национални ознаки, управувано од К.Б.(26) од Австрија и патничко моторно возило „опел инсигниа“ со скопски регистарски ознаки, управувано од Б.Н.(69) од Скопје.

Во несреќата со тешки телесни повреди се здобила сопатничката Ј.Н.(66) од возилото „опел инсигниа“, а со телесни повреди се здобиле двајцата возачи и Д.Ј.(29) и уште една малолетна сопатничка, двете од возилото „бмв“, констатирани во Комплексот клиники „Мајка Тереза“, информираат од МВР.

Извршен бил увид од увидна екипа од СВР Скопје.