Средба Османи – Суриани
Министерот за надворешни работи Бујар Османи денеска ги прими копиите од акредитивните писма на новоименуваниот апостолски нунциј за Република Северна Македонија, со седиште во Софија, архиепископ Лучано Суриани.
На средбата, како што информира МНР, беше нагласено задоволството од успешниот развој на билатералните односи меѓу Република Северна Македонија и Светата Столица и на соработката дисперзирана во разни области од заеднички интерес.
Министерот Османи му посака успешна мисија на апостолскиот Нунциј, изразувајќи уверување дека со своето дипломатско искуство и личен ангажман ќе даде значаен придонес во продлабочувањето на односите и доближувањето на двете земји.
Апостолскиот Нунциј Суриани искажа подготвеност да го продолжи градењето пријателски врски меѓу Република Северна Македонија и Светата Столица, во духот на заемното разбирање и споделувањето заеднички културни, религиски и цивилизациски вредности.
– Соговорниците се согласија дека честите посети и средби изминатите неколку години се уште една потврда на блиските релации, но и обврска за натамошно динамизирање на секторската соработка, пред сè, во сферата на културата, заштитата на културно-историското наследство и образованието, стои во соопштението од МНР.
Ново на Сител
-
Ѓорчев: Добра е стратегијата на македонската дипломатија на бугарската политика
-
Тема на денот со Марјан Ѓорчев, поранешен амбасадор во Бугарија
-
Економијата во првиот квартал годинава пораснала за 3%
-
Синдикатите поделени околу спуштањето на прагот за репрезентативност од 10 на 5%
-
Безбедносната зона околу Собрание нема да значи забрана за протести
-
Тошковски: МВР издаде пасош за Јахоски по одлука на судот
-
Марта Кос се понуди да ги олеснува разговорите меѓу Скопје и Софија
-
Инспекторите за јазици бараат плата, но не и да говорат на македонски – можно решение по гласање на законот