СПМ: Шефовите на источниот и јужниот сосед на Македонија настапуваат оркестрирано со империјални барања против интересите на македонскиот народ
Социјалистичката партија на Македонија укажува дека шефовите на источниот и јужниот сосед на Македонија настапуваат оркестрирано со империјални барања против интересите на македонскиот народ.
Со нивните изјави повторно ги покажуваат националшовинистичките стремежи од 19 век непочитувајќи ја реалноста и постоењето на Македонскиот народ и држава како самостојна, суверена и независна држава етаблирана во меѓународните системи и организации.
Социјалистичката партија на Македонија укажува дека е потребно да се постапува според меѓународното право и да не се дозволува мешање во внатрешните работи на државата од било кого, особено не од исток, ниту од југ.
Потребно е да се иницира постапка за преиспитување и репреговарање до раскинување на асиметричниот договор со наводно добриот сосед, односно на протоколите и пропратните документи кои менуваат и дополнуваат на штета на Македонија.
Социјалистичката партија на Македонија истакнува дека со иницијативна надворешна политика и со дејствување во духот на демократска и рамноправна позиција на државите можно е да се отстранат последиците кои ги направија домашните предавници кои ги променија името и идентитетските обележја на Македонија.
Народот не ги препозна овие договори како основ за меѓусебно помирување и градење на стабилност во регионот и на избори побара промени за рамноправни односи и соработка.
Социјалистичка партија на Македонија
Ново на Сител
-
Герасимовски: Поставивме 720 фотоволтаични панели на покривот на ООУ „Киро Глигоров“
-
Руско МНР: Најмалку 31 цивил е убиен во украинската офанзива врз рускиот Курски регион
-
Царината заплени облека, обувки, бижутерија, чанти, очила, рачни часовници, камагра, жилети, парфеми, техничка стока
-
Утре и во среда локални врнежи од дожд, потоа стабилно со пораст на температурите
-
Посебен режим на сообраќај во Скопје
-
ЕУ одвои уште над милијарда евра за справување со последиците од ланските поплави низ Европа
-
Познати најуспешните македонски компании за 2023 година во првите 10 категории на „Бизнис лидер“
-
Македонски државјанин фатен на граница откако предизвикал сообраќајка при обид да шверцува стока од Косово