Советување на тема „Заштита од дискриминација врз основ на сексуална ориентација“

Академијата за судии и јавни обвинители „Павел Шатев“ во соработка со Мисијата на ОБСЕ во Скопје денеска организира советување на тема „Заштита од дискриминација врз основ на сексуална ориентација“.

Целта на советувањето е да даде преглед на меѓународната и националната судска пракса во постапките за утврдување дискриминација врз основ на сексуална ориентација.

Советувањето е наменето за судии од граѓанските оддели од сите апелациски подрачја, адвокати и претставници од Комисијата за заштита од дискриминација, Народниот правобранител и Хелсиншкиот комитет за човекови права.

Советувањето ќе го отвори директорката на Академијата за судии и јавни обвинители Анета Арнаудовска.

Излагања од областа на дискриминацијата во рамки на советувањето ќе имаат Жанета Попоска од Мисијата на ОБСЕ во Скопје, Душко Миновски, претседател на Комисијата за заштита од дискриминација и Кочо Андоновски од ЛГБТИ Центар.