Скопје домаќин на 14. Меѓународен форум за енергија за одржлив развој од 28 до 30 октомври
„Од цели кон акција: Напојувајќи ја иднината со одржлива енергија“, е темата на 14. Меѓународен форум за енергија за одржлив развој (IFESD-14), што ќе се одржи во Скопје од 28 до 30 октомври. Домаќин на форумот е Министерството за енергетика, рударство и минерални суровини (МЕРМС) во соработка со Канцеларијата на Програмата за развој на Обединетите нации УНДП и петте регионални комисии на ОН (UNECE, UNESCSP, UNECLAC, UNECA i ESCWS).
Од МЕРМС денеска најавија дека Форумот ќе обедини над 600 учесници, владини претставници, меѓународни организации и банки, академската заедница, приватниот сектор и граѓански организации, од 70 држави.
Како што соопштија постојаниот претставник на УНДП во Скопје Армен Грегоријан и министерката Сања Божиновска, ќе се понуди сеопфатна перспектива за глобалната енергетска транзиција преку споделување национални и регионални стратегии за забрзување на чиста енергија, претставување на иновативни технологии и решенија од меѓународни организации, приватниот сектпр и академијата. Исто така, ќе бидат промовирани механизми за финансирање и партнерства и обезбедување инклузивно учество на младите, жените и граѓанското општество.
- На организацијата работевме една година, форумот е многу значаен, обезбедивме над 150 експерти кои ќе бидат панелисти на 35 сесии. Форумот ќе заврши со заедничка декларација, изјави министерката Божиновска.
На отворањето на форумот ќе се обратат премиерот Христијан Мицкоски, министерката за енергетика, рударство и минерални суровини Сања Божиновска и извршната секретарка на UNECE Татијана Молкеан.
Форумот IFEsD-14 во Скопје ќе се надоврзе на резултатите од минатогодишното издание, што се одржа во Бангкок, а со цел да да обезбеди платформа за конкретни акции и политики кои ќе ја забрзаат праведната и инклузивна енергртска транзиција.
МИА
Ново на Сител
-
Голема акција во прилепската болница: Повеќе лица на раководни позиции приведени поради сомнежи за злоупотреби
-
Кос: Лага е дека одлуката на Советот на ЕУ ќе го спречи трансферот на гас до Србија
-
Изборите во 2026 година ќе бидат најважните во модерната историја на Србија, најавува Вучиќ
-
Цените на нафтата на светските берзи стабилни - околу 61 долар за барел
-
Нема планови за средба Путин - Трамп во блиска иднина, велат од Белата куќа
-
Киев ја продолжи воената состојба до февруари 2026 година
-
Фон дер Лајен: Европа мора да се бори за своето место услови на промена на глобалниот поредок
-
Трамп: Сојузниците се подготвени да испратат војници во Појасот Газа ако Хамас продолжи да го крши примирјето