Сириски опозициски водач предупредува дека странски сили сакаат да ја поделат земјата

Ријад Хиџаб, координатор на Високиот комитет на сириската опозиција, вчера обвини дека странски држави се обидуваат да ја поделат Сирија на зони на интерес.

Хиџаб поднесе оставка на координативната функција во пресрет на новата рунда мировни разговори за Сирија во Женева закажани за 28 ноември.

Хиџаб е поранешен сириски премиер кој му откажа послушност на претседателот Башар ал Асад и се префрли на страната на опозициските сили. Со цел сириската опозиција да биде подготвена за преговорите во Женева, кои ги водат Обединетите нации, за утре е предвидена средба и во саудискиот главен град Ријад на која опозициските групи ќе изберат нов координатор.