Штедачите во Еуростандард банка денеска излегуваат на мирен протест

Оштетените штедачи од Еуростандард банка денеска во 15 часот излегуваат на мирен протест пред собранието. Бараат државата по брза постапка да донесе закон со кои целосно ќе бидат обештетени сите ние кои имале над 30 илјади евра заштеда во банката, а кои фондот за осигурување на депозити не може да им ги врати. Се надеваат и дека државата  преку сите механизми ќе го расветли криминалот кои бил направен во Еуростандард. Народната банка во август ја одзема дозволата за работа на Еуростандард  затоа што банката не обезбедила минимални услови за работа, беше отворена и стечајна постапка, а фондот за депозити веќе почна да ги исплаќа парите на граѓаните кои имале до 30 илјади евра заштеда.