Самоопределување и Демократскиот сојуз на Косово и натаму без договор за коалиција
Вчерашниот состанок на лидерите на двете партии победнички на октомвриските парламентарни избори во Косово, Албин Курти на Движењето Самоопределување (ВВ) и Иса Мустафа на Демократскиот сојуз на Косово (ЛДК), како и неколкуте претходни обиди, заврши без договор за формирање заедничка влада, јави дописникот на МИА од Приштина.
По завршувањето на состанокот во Собранието на Косово, кој траеше повеќе од три часа, синоќа пред новинарите се појавија шефовите на пратеничките групи на двете партии во последниот собраниски состав, Глаук Коњуфца (ВВ) и Авдулах Хоти (ЛДК), кои кратко изјавија дека договор за коалиција се уште не е постигнат, но дека преговорите не се прекинати.
– Можам да кажам дека вечерва немаме договор, изјави Коњуфца, додавајќи дека ќе се види во наредните денови како ќе се одвиваат настаните.
Хоти потврди дека договор не е постигнат, но најави дека средбите ќе продолжат во деновите што следат.
– И натаму не е се завршено. Се уште не сме дојдени до заклучок, така што ни треба да разговараме уште повеќе, ијави Хоти.
По ова членовите на раководствата и на преговарачките тимови на двете партии го напуштија Собранието, не дозволувајќи им на медиумите да им постават прашања.
До застој во преговорите меѓу двете досега опозициски партии, кои започнаа веднаш по објавувањето на првичните резултати од гласањето на 6 октомври, дојде откако ЛДК истапи со барање да ја преземе функцијата претседател на државата, откако во април 2021 година ќе му заврши мандатот на актуелниот претседател Хашим Тачи.
Ново на Сител
-
Трите големи банки ги намалуваат надоместоците за граѓаните и компаниите, вели Славески
-
Како ќе влијаат царините на Трамп врз македонската економија?
-
Паркингот на Клинички ќе има нов ценовник – Пациентите ќе плаќаат повеќе од сега, но помалку од вработените!
-
Ќе се стави ли клуч на врата на 13 сеизмолошки станици во државата?
-
Училишниот прибор ќе поевтини за најмалку 10 и 15%
-
Заврши обуката на пожарникарите – утре 352 лица ќе потпишат договори за работа
-
Преглед на вестите од светот
-
Превентивни прегледи од областа на медицина на трудот, ќе бидат евидентирани во Мој термин