Приврзаниците на опозицијата кампуваат пред зградата на косовската Влада
Приврзаниците на косовската опозиција вечерва кампуваат пред зградата на Владата и Парламентот барајќи од Владата да поднесе оставка и да распише вонредни избори, јави ТАНЈУГ.
Меѓу приврзаниците на опозицијата се и Албин Курти, Висар Имери и други.
Во шаторите има стиропор, ќениња, а на централниот градски плоштад поставена е бина со разглас од кој се слуша музика.
Опозиционерите изјавија дека се подготвени да го блокираат влезот во Парламентот, каде во следните денови треба да се одржи седница на која Хашим Тачи треба да биде избран за претседател на Косово.
Зградите на Владата и на Парламентот вечерва ги чуваат помал број на припадници на полицијата.
Претходно, претставниците на опозициските Алијанса за иднината на Косово, Иницијативи за Косово и Самоопределување изјавија дека на тој начин ја почнуваат новата ера на протести и оти ќе останат на улица се до соборување на Владата. Тие планираат да протестираат до 7. март, кога истекува рокот за избор на нов претседател на земјата. Ако не биде избран претседател тогаш ќе мора да бидат распишани вонредни избори.
Ново на Сител
-
Шолц по состанокот во Париз: ЕУ и САД не треба да се делат околу мировните преговори за Украина
-
Eвропските лидери за можноста за испраќање мировници во Украина
-
Димитриевски: Државниот грб ги задоволува сите потреби и ја отсликува реалноста на македонскиот народ и држава
-
Без струја утре дел од Општина Аеродром
-
Владата утре ќе дискутира за предлозите на трговците и ќе разгледа дополнителни можности
-
Од среда намалување на облачноста и ниски утрински температури
-
Предлогот за разрешување на јавниот обвинител Коцевски утре на седница на Влада
-
Кривична за гостиварец кој се обидел да прегази полицаец