Претседателот на СБ единствениот кандидат за следниот мандат

Светската банка објави дека сегашниот нејзин претседател Џим Јонг Ким е единствениот номиниран за следниот мандат.

Приемот на номинациите веќе завршил, соопшти Извршниот совет на институцијата, во која членуваат 189 држави.

Ким ќе биде интервјуиран од Советот, а се очекува одлуката да биде донесена пред годишната средба на Светската банка, планирана за 7 до 9 октомври. 

Имено на Ким беше посочено минатиот месец од администрацијата на Барак Обама и се очекува тој да освои нов мандат на чело на СБ.

Светската банка е раководена од Американец од нејзиното создавање по Втората светска војна. Ким на оваа функција е од 2012 година.