Свет
17. January 2021 - 19:49

Повеќе од 95 милиони луѓе во светот се заразени со Ковид-19

Бројот на заразени со Ковид-19 во светот се искачи над 95 милиони, а од последици од заразата починале 2.034.623 луѓе, додека оздравеле приближно 68 милиони.

Според податоци на сајтот „Ворлдометер“ од почетокот на пандемијата до денеска со Ковид-19 во светот инфицирани се 95.168.543 луѓе, а оздравеле 67.937.306 лица.

Најпогодени од пандемијата се САД, каде се регистрани над 24,3 милиони пациенти и повеќе од 405.000 смртни случаи.

По бројот на смртни случаи на второ место е Бразил, каде од последици од Ковид-19 починале 209.350 луѓе, а вкупно заразени се над 8,4 милиони лица. Потоа следи Индија со над 10,5 милиони инфицирани луѓе и над 152.000 смртни случаи.