Подрачното основно училиште во Хром почна со работа
Подрачното општинско основно училиште „Димитар Поп Георгиев Беровски“ во населбата Хром, во општина Ѓорче Петров, денеска и официјално почна со работа. Училиштето во изминатите 14 месеци беше целосно реконструирано, доградено, опремено и оспособено во него да се одвива настава за учениците од прво до петто одделение.
На првиот училишен час присуствуваа градоначалникот Сокол Митровски, преставници од општината и Советот на општината Ѓорче Петров кои ги поздравија учениците и им посака успешна училишна година во новите простории на училиштето.
Новото училиште, како што истакна градоначалникот Митровски, ќе им овозможи многу подобри услови за настава на учениците, а потребата да се изгради, како што рече, беше неминовна за жителите на населбата Хром.
- Изградбата на училиштето е резултат на напорната, посветена и континуирана работа на Министерството за образование и наука и општина Ѓорче Петров. Новиот објект на подрачното училиште во Хром е комплетно завршен и опремен, порача градоначалникот Митровски.
Ново на Сител
-
Законот за локална самоуправа чека поддршка од ДУИ
-
Комеморативна седница за Стојан Андов
-
Лимани и Камбовски не одговорија дали треба да се распушти Судскиот Совет
-
Бебе починало ден по раѓањето во битолската болница
-
Безредие и пропусти на ФЗО, покажа извештајот на државната ревизија
-
Убиство или самоодбрана? - За што ќе одговара жената што ги уби сопругот и свекорот?
-
Колкави сметки за струја ќе плаќаме од први јули?
-
Загубата на вода во Македонија е над 60%