Педесет тони хуманитарна помош од ЕУ и СЗО се очекува да пристигнат во Сирија на 31 декември
Педесет тони хуманитарна помош која се состои од медицински материјали, финансирана од Европската унија и координирана од Светската здравствена организација (СЗО), треба да пристигне во Сирија на 31 декември, изјави денеска Мриналини Сантанам, портпаролка на СЗО во Газиантеп, јужна Турција.
„Медицинските материјали пристигнаа во Истанбул, Турција, вчера и треба да стигнат во Сирија на 31 декември по расчистување на турските царински процедури“, рече Сантанам.
Во средината на декември, ЕУ објави почеток на хуманитарен воздушен коридор за Сирија преку Турција - прва европска помош од ваков вид по падот на претседателот Башар ал Асад.
Помошта вклучува комплети за итна операција за повредените и основни лекови.
„Залихите ќе бидат дистрибуирани меѓу здравствените установи и лекарите во Сирија во согласност со хуманитарните принципи, за да може цела Сирија да има корист од нив, а особено провинциите Идлиб и Алепо. Тоа се главно комплети [...] кои ќе им овозможат на лекарите во Сирија да вршат илјадници операции и да ги лекуваат ранетите“, рече Лоренцо Дал Монте, аналитичар за планирање во СЗО.
Според него, 14-годишната граѓанска војна го опустоши здравствениот систем на Сирија.
„Речиси половина од болниците во Сирија не функционираат“, рече Дал Монте.
„Со оваа нестабилна ситуација на теренот, нашата помош за сирискиот народ е уште поважна“, рече претседателката на Европската комисија Урсула фон дер Лајен.
По 11-дневна молскавична офанзива, бунтовничката коалиција доминирана од радикалната сунитска исламистичка група Хајат Тахрир ал-Шам (ХТС) го зазеде Дамаск на 8 декември, ставајќи крај на половина век владеење на кланот Асад.
Ново на Сител
-
Клиентите на Халк Банка АД Скопје цел на лажна кампања за прибирање на броеви на картици и лични податоци
-
Му се заканиле ставајќи му моторна пила под вратот - дрвокрадци нападнале шумски полицајци во Велес
-
Судот му го одзеде пасошот на Јован Деспотовски по прифатените мерки на претпазливост
-
ЈО: Деспотовски под истрага за злоупотреба на службената положба, предложено да му се одземе пасошот
-
Деспотовски: Неточни се информациите дека сум приведен
-
Кирјос: Допинг случаите со Синер и Швионтек се страшни за тенисот
-
Лице барано по судска наредба со соучесник физички нападнале полициски службеници - следува пријава
-
Путин изразил сочувство и му се извинил на Алиев за падот на азербејџанскиот авион кај Актау