„Опел корса“ се заби во бетонска жардињера во Скопје - има повредени

Скопјанец со својата „Опела корса“ се заби во бетонска жардињера, повреден е возачот.

Како што стои во билтенот на МВР, утринава во 02,00 часот било пријавено дека на булевар “Трета Македонска Бригада“ патничко моторно возило “Опел корса“ со скопски регистерски ознаки управувано од А.В.(21) од Скопје удрило во бетонска жардињера.

Во незгодата со тешки телесни повреди се здобил А.В., констатирани од страна на лекар од Градската општа болница “Свети Наум Охридски“.

Извршен е увид на местото на настанот. Се работи на расчистување на случајот.