Околу 1000 учеснички на женската трка пред Скопскиот маратон
Околу 1000 натпреварувачки денеска учествуваа на големата женска трка што се одржа во Скопје и истрчаа два километри околу езерцето во Градскиот парк. На најдобрите во неколку возрасни категории им беа доделени медали и дипломи, а беше организирана и лотарија за сите учеснички.
Трката е дел од промотивните активности за најмасовниот спортски настан во Македонија, Скопскиот маратон кој ќе се одржи на 8 мај. Големата манифестација од годинава има и нови поддржувачи, компаниите „Пелистерка“ и „Здравје Радово“, клиничката болница „Аџибадем Систина“ и „Стопанска банка АД Битола“.
Досега за Скопскиот маратон се пријавени повеќе од 4.500 натпреварувачи од 38 држави, а аплицирањето за учество е отворено до 29 април со што се очекува бројот на учесници уште повеќе да се зголеми. Женската трка е дел од промотивните активности на скопскиот маратон чија цел е да се популаризира трчањето како спортска активност. Останува да се одржи уште и детската трка која е насочена кон тоа да им го приближи трчањето и на најмладите.
На Скопскиот маратон главно обележје се: стандардните трки – маратон (42.195 километри), полумаратонот (21.097кимоетри) и трката на пет километри. Организаторите најавуваат и штафетен маратон, со што остануваат четири трки на програмата, како и што беше планирано и за минатиот маратон.
Повеќе детали за самиот маратон, пријавување и дисциплини сите заинтересирани може да најдат на веб страната www.skopskimaraton.com.mk
Ново на Сител
-
Тема на денот со Весна Јаневска, министер за образование
-
Антонио Јолески ја изгуби битката во Управниот суд
-
Мицкоски: Стана пракса амбасадорите да се мешаат во внатрешните работи на државата
-
Мицкоски: Ќе бара ли Софија Бугари и во албанскиот Устав
-
Маричиќ, Шаќири и Бајрами ќе добијат апанажа
-
Поранешно „Македонија пат“ во катастрофална состојба: Изгорело возило вредно 200.000 евра
-
Скапите акцелератори набавени пред една деценија се уште не се во функција на пациентите
-
Барањето за 450 евра минималец на првата седница на економско-социјалниот совет