Македонија
22. September 2015 - 13:16

Ограбена куќа во тетовското село Пршовце

Материјална штета од околу 200 илјади денари пријавил А.З.(58) од тетовското село Пршовце во периодот по тешката кражба на пари, златен накит и друго  што вчера помеѓу 19 часот и 30 минути и 22 часот и 30 минути била извршена во неговата куќа, информираше денеска портпаролот на СВР Тетово Марјан Јосифовски.

-Засега непознати сторители насилно ја отвориле влезната алуминиумска врата на приземјето, потоа се искачиле на катот и од спалната на синот одзеле 120 илјади денари во разни апоени како и 4 парчиња златен накит, прстени и синџир , два дигитални фотоапарати, исто толку мобилни телефони и уште 3.000 денари што се наоѓале во паричник. Со одземените пари и накит незабележани од никого тие ја напуштиле куќата  причинувајќи вкупна материјална штета која  според сопственикот се проценува на 200 илјади денари, изјави Јосифовски.

Полицијата извршила  увид и работи на целосно расветлување на случајот  и  откривање на сторителите.