ОБНОВЕНО: Серија земјотреси го стресоа Скопје

Телеметриската сеизмолошка мрежа на Република Македонија, со станици во Скопје, Штип, Валандово, Битола, Охрид и Крушево, одржувана од Сеизмолошката опсерваторија при Природно-математичкиот факултет во Скопје, денес, на 11.09.2016 год., регистрираа серија земјотреси чии епицентри се наоѓаат во Скопското епицентралното подрачје.

Два од овие земјотреси беа почувствувани во Скопје и околината. Првиот од нив се случи во 06 часот и 58 минути, имаше локална Рихтерова магнитуда 3.9, а беше почувствуван со интензитет од VI-VII степени според Европската макросеизмичка скала. Вториот земјотрес се случи во 06 часот и 59 минути, имаше локална Рихтерова магнитуда 2.8, а беше почувствуван со интензитет од IV-V степени според Европската макросеизмичка скала.