Наградени средношколците кои произвеле најдобро вино во домашни услови
Во чест на денешниот ден на кој во светот се слави младото вино, во земјоделското училиште во Кавадарци беа доделени награди за учениците кои произвеле најдобро вино од годинашното грозје. Средношколците кои го печат занаетот низ теорија и пракса во училиштето, вино произведуваат во домашни услови, заедно со нивните родители. Се оценуваа триесетина мостри на вина, бели и црвени.
Најдобрите вина произведени од ученици беа прогласени од стручни лица, еминентни енолози, кои ги дегустираа, а доаѓаат од две познати винарии од Кавадарци.
-Се ова е дел од процесот на производство на виното. Сега се проверува до кој степен тоа се развило, за да се знае што треба да се стори понатаму. Во училишната лабораторија која почна да функционира минатата година, се следат сите фази од зреењето на виното и се одредуваат сите негови параметри , како и енолошките постапки потребни за да се добие убаво, вкусно и здраво вино, рече директорот на училиштето „Ѓорче Петров”.
Тој изрази надеж дека учениците и наставниците ќе продолжат со активности и ќе бидат пример за тоа, како треба да се работи, за да се дојде до успешен производ.
Дека квалитетот на произведените вина е одличен, потврди и професорот по стручни предмети во училиштето, Горан Керов. Тој нагласи дека вината допрва ќе зреат и ќе бидат уште поубави.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево