На дуелот Шкандија – Краковја неспортски и националистчки скандирања од двете страни

 

Навредливи скандирања од спротивните страни на Националната Арена „Филип Втори“ синоќа можеа да слушаат присутните на стадионот и тоа упатени од двете навивачки групи на Шкендија и Краковија.

 

Во текот на првото полувреме, навивачите пак на Краковија, ја потврдија репутацијата на „лоши гости“, па на српски јазик извикуваа навредливи слогани кон албанскииот дел од присутните на трибините. 

 

Провокативното и националистичко скандирање на полските навивачи и тоа упатено кон навивачите на Шкендија на српски јазик, ги исповоцира тетовските навивачи кои беа сместени во близина на ложа, па се обидоа да се пресметаат со раководството на полскиот тим, по што  полицијата и обезбедувањето мораа да реагираат и да ги отстранат гостите.

 

За ваквото однесување сигурно дека неможе да бидат амнестирани, како ниту за скандирањата кои популарните „Балисти“, ги имаа во продолжението на натпреварот, па сигурно дека ваквите и слични испади и инциденти најверојатно скапо ќе го чинат тимот на Шкандија, имајќи в предвид дека контролорите и делегатите на УЕФА сето тоа уредно го бележат. 

 

Инаку, на арената „Филип Втори“, но и пред неа и низ скопските улици, видливо беше зголеменото, засилено, присуство на органите задолжени за очувување на јавниот ред и мир, односно полицијата.