МВР интензивно работи на расчистување на случајот со навивачката група што ширеше етничка омраза
Министерството за внатрешни работи во соработка со Обвинителството интензивно работи за расчистување на случаите со навивачките групи кои употребуваат навредлива реторика кон Албанците, а со тоа предизвикуваат етничка нетрпеливост.
Имено, вчера на социјалните мрежи беше објавено видео на кое се гледа како група навивачи на улиците во населбата Ѓорче Петров скандираат „мртов шиптар, добар шиптар“. Сличен инцидент се случи и минатата недела.
– Станува збор за два случаи за што ќе бидат поднесени кривични пријави. Се утврдуваат идентитетите на учесниците, се повикуваат на разговор, се извршуваат разговори со нив. Конкретно за вчерашниот случај утврден е идентитетот на 16 лица и се преземаат сите дополнителни активности со цел да се расчисти случајот, изјави денеска Сузана Праниќ Талевска од Секторот за односи со јавност при МВР.
Таа нагласи дека МВР ќе има нулта толеранција за таквите случаи, така што интензивно ќе се работи се додека не се санкционираат.
Ново на Сител
-
Пет месеци од трагедијата во Кочани, 18-ти по ред „Марш на ангелите“
-
Тема на денот со Тони Менкиноски
-
Пратениците од ДУИ гласаа против измените во Изборниот законик за учество на независните на изборите
-
Средбата Трамп-Путин заврши без договор за прекин на руско-украинската војна
-
Цела ноќ битка со стихиите кај Јажинце, денеска критично и кај Јасен
-
Славески: Без јасна поделба на универзитетите секое следно рангирање ќе носи фрустрации, не решенија
-
Кога студентите ќе ги добијат ваучерите од 250 евра за електронски уреди?
-
Проблемот со струшката депонија пред судот во Стразбур