Кривична пријава за вработен кој издал фалсификуван извод од родени
Вработен во Подрачно одделение за матично работење – Скопје при Управата за водење на матични книги во Министерството за правда ќе биде кривично гонет поради сомневање дека без примено писмено Барање за издавање Извод од матичната книга на родени и без доказ за уплатена административна такса за издавање, изготвил и издал Извод од матичната книга на родени за нивното малолетно дете, во кој внел податоци од друго малолетно дете.
-Единицата за економски и компјутерски криминал при СВР Скопје поднесе кривична пријава против К.Н.(32) од Скопје поради постоење основи на сомнение за сторени кривични дела „злоупотреба на службената положба и овластување” и „фалсификување службена исправа” и против Б.Х.(30) и Ш.Х.(29), двајцата од Скопје, поради постоење основи на сомнение за сторено кривично дело „употреба на исправа со невистинита содржина”, информираат од МВР.
Од Министерството појаснуваат дека првопријавениот К.С., во својство на службено лице, вработен во Подрачно одделение за матично работење – Скопје при Управата за водење на матични книги во Министерството за правда, по претходен договор со второпријавениот и третопријавената, на 04.11.2021, без примено писмено Барање за издавање Извод од матичната книга на родени и без доказ за уплатена административна такса за издавање Извод, изготвил и издал Извод од матичната книга на родени за нивното малолетно дете, во кој внел податоци од друго малолетно дете.
Ново на Сител
-
Изборен ден во Струга
-
Гласање во Охрид
-
Избори во Крушево и Долнени
-
ДИК бележи зголемена излезност
-
Веќе пет дена хируршките клиники функционираат со затворени сали
-
Четворица затворски полицајци завршија на Токсикологија по пожар во женското одделение во затворот „Идризово“
-
Мемети утре во суд, врховниот судија Георгиев се жали на притворот
-
Речиси 2 тони вијагра и опасен лек за слабеење запленети на скопскиот аеродром