Кожув во полуфиналето на БИБЛ лигата домаќин на Морнар

 

 

 Кошаркарите на Кожув од Гевгелија вечерва го играат првиот полуфинален натпревар од регионалната БИБЛ лига. Во Гевгелија ќе гостува екипата на Морнар од Бар.

 

 За Кожув ова е второ полуфинале во ова натпреварување. Почетокот на дуелот е во 19 часот.

 

Тимот од Црна Гора беше првопласиран во својата група во втората фаза од натпреварувањето и затоа реваншот ќе го игра на домашен терен.

 

Двата тима одиграа два дуела во првата фаза од лигата и во двата натпревара победи Морнар. Во Гевгелија беше 79:63, а во Бар 91:87. За разлика од овие два дуели во двата тима има по неколку промени во играчкиот кадар.

 

Во второто полуфинале утре играат Берое и Сигал Приштина.