Корегирана е придавката „северномакедонски“ на вебот на ЕП, соопшти МНР
Министерството за надворешни работи соопшти дека реагирало до Европскиот парламент за употребата на придавката „северномакедонски“ и дека грешката е веќе отстранета од веб страницата на Европарламентот.
- Министерството за надворешни работи на Република Северна Македонија континуирано укажува на точната употреба на уставното име на државата и државјанството на граѓаните на Северна Македонија. Како што сме реагирале соодветно до сите меѓународни медиуми, етнитети итн., кои погрешно употребиле било кој од наведените термини, така реагиравме и до Европскиот парламент за конкретниот случај, барајќи коректна употреба на овие термини, согласно Уставот и личната карта на земјата во Обединетите Нации. Дополнително, би сакале да потврдиме дека по нашата реакција грешката беше веднаш корегирана, посочуваат од МНР.
На веб страницата на Европскиот парламент, вчера, беше објавен документ во кој се анализира евроинтегративен пат на Северна Македонија и Договорот од Преспа, а владата е наречена „северномакедонска“.
Согласно Преспанскиот договор, придавката во однос на државата, нејзините службени органи и други јавни институции треба да биде во согласност со официјалното име на државата, „на Република Северна Македонија“ односно нејзиното скратено „на Северна Македонија“.
Ново на Сител
-
Осми локални избори, ќе се избираат градоначалници и советници во 80 општини и Скопје
-
Португалскиот парламент усвои закон за забрана на никаб
-
Верстапен најбрз во квалификациите за спринтот на ГН на САД
-
Кина е подготвена за нови трговски разговори со САД „што е можно поскоро“
-
Куманово со најмногу гласачи 94 041, Лозово со најмалку 1905, ќе се гласа на 3474 избирачки места
-
Зеленски: Им веруваме на САД, веруваме дека Трамп сака да ја заврши војната
-
Променливо облачно време со повремени локални врнежи од дожд
-
Зеленски: Договорот за Газа е добар моментум за завршување на војната во Украина, ни треба мир