Џет-Сет
25. October 2015 - 18:04

Кој, покрај Адел, имаше хит „Hello“

Новиот сингл на британската пејачка Адел под наслов „Hello“, потсети на неколку други песни со истиот популарен англиски поздрав, пишува лондонски „Гардијан“.

Битлси, Дорс, Оејзис, Елтон Џон, Бијонсе, Ајс Кјуб и уште неколку пејачи и групи имале своја песна „Hello“.

Сепак, најпознатата, барем за оние кои денеска имаат повеќе од 40 години, е „Hello“ на Лајонел Ричи од 1984 година, која беше огромен светски хит.

По излегувањето на синглот на Адел, американскиот пејач на британската колешка преку Твитер и испрати порака со првиот стих од својата песна: „Здраво Адел, мене ли ме бараш?“ (Hello Adele, Is it me you're looking for?). 

„Hello“ на Адел е прв сингл од нејзиниот нов албум „25“, што во продажба ќе се најде на крајот на ноември.