Киев и бунтовниците почнаа да ги повлекуваат тенковите од околината на Доњецк
Украинската армија и проруските сепаратисти денеска соопштија дека почнале да ги повлекуваат тенковите и другото оружје од линијата на фронтот во реонот на Доњецк, откако тој процес заврши во соседниот регион на Луганск.
- Почнавме денеска да ги повлекуваме тенковите, оружјето со калибар под сто милиметри и минофрлачи со калибар до 120 милиметри, изјави Леонид Матјохин, портпарол на украинската армија.
Повлекувањето почна во регионот на Дебалцево, стратешка точка на поврзување на бунтовничките центри Доњецк и Луганск .
Информацијата беше потврдена од Едуард Басурин, еден од бунтовничките лидери во Доњецк.
Тој додаде дека утре бунтовниците ќе ги повлечат тенковите, распоредени покрај Новоазовск на брегот на Азовското Море, во близина на стратешкото пристаниште Мариупољ, последниот голем град во зоната на конфликтот, што е под контрола ба Владата во Киев.
Басурин нагласи дека по Новоазовск на ред доаѓа Доњецк.
Во вооружениот конфликт во Украина, кој почна во април 2014 година загинаа над осум илјади лица.
Ново на Сител
-
Свети Климент Охридски - Патрон на МПЦ-ОА
-
Охрид го одбележува денот на својот заштитник
-
Голем интерес за вакцинација во Струмица и Валандово
-
Преглед на вестите од светот
-
Анализа: Зошто партиите не ги објавуваат претседателските кандидати порано, туку пред избори?
-
Крадец се засолнил во училиште, настанала паника
-
Teма на денот со Весна Јаневска
-
Заврши распитот на Стојков, за Димковски отворена истражна постапка