Јорданов: „Има таков народ“ нема да дозволи тргање на ветото за Северна Македонија до крајот на француското претседателство
Претседателот на пратеничката група на „Има таков народ“ во бугарското Народно собрание Тошко Јорданов за Бугарското национално радио – БНР, коментира дека неговата партија нема да дозволи тргање на ветото за Северна Македонија до крајот на француското претседателство со Европската унија.
Како што јави дописникот на МИА од Софија, тој бил на средби со европратеници и еврокомесари и коалициски совети и имал директни впечатоци за тоа што се разговарало на нив и кој рекол, дека сака да се случи до крајот на јуни.
Според него, за Северна Македонија нештата во коалицискиот договор се јасни и „Има таков народ“ секогаш го почитувале овој договор и секогаш го одржувале зборот.
Рано е, како што рече тој, да се кажи дали владејачката коалиција ќе издржи до крајот на годинава… Тој беше категоричен дека министерката за надворешни работи на Бугарија Теодора Генчовска, која е од ИТН, ја следи официјалната политика, за разлика од премиерот Кирил Петков, кој се обидува да протурка поинаква политика на оваа тема.
Дописникот на МИА од Софија додава дека „Има таков народ“ на ТВ водителот Слави Трифонов последните денови ја напаѓа најголемата партија во владејачката коалиција „Продолжуваме со промената“ откако нивниот кандидат за гувернер на Бугарската народна банка не беше избран и сака да се преиспитаат некои од клаузулите од коалицискиот договор. Нивниот кандидат, Љубомир Каримански, не ја доби поддршката од ниту една од другите три преостанати партии во коалицијата.
Ново на Сител
-
Амбасадорите подготвени да соработуваат со Мицкоски за судските реформи
-
Советот на обвинители не сака распуштање, Мицкоски вели срамно е да се има доверба од 2%
-
268 матуранти паднаа на државната матура
-
Кој ќе одговара за скапо платените и некористени акцеларатори за малигно болни кои ќе завршат во отпад?
-
ЕпсоТех инвестира 20 милиони евра - Ќе бидат вработени 110 луѓе
-
„Да ги пуштиме нозете колку ни е долга чергата“ рече Мицкоски за барањето 450 евра минималец
-
Кога пензионираните пилоти за ер тракторите ќе се вратат на работа?
-
Традицијата продолжува - Златните денови Кратово 2024