Изложба на Христина Смилкова во Гевгелија
Во Гевгелија е отворена изложба на уметнички дела од Христина Смилкова која е лице со попреченост во развојот. Настанот го организираа Центарот „Мајка Тереза“, нејзинте родители и Домот на културата од Гевгелија.
Пред јавноста се претставени 20 дела на Христина, изработени со молив и акварел, како и нејзини рачни изработки од срма, плетени и везени предмети направени на креативна работилница во центарот „Мајка Тереза“.
–Христина е девојче кое живее и твори во светот на аутизмот. Таа има 15 години и е одлична ученичка во основното училиште „Владо Кантарџиев“.Преку нејзините уметнички дела може да се види како таа го доживува светот околу себе. Сите ние треба да ги разбереме овие личности, да навлеземе во нивниот свет и да ги почитуваме како еднакви на сите нас, истакна Нада Јованова од центарот „Мајка Тереза“ од Гевгелија кој згрижува 34 деца со посебни потреби.
Изложбата на Христина Смилкова е продажна и предизвика внимание кај гевгелиската публика. Средствата од продадените дела и предмети ќе бидат наменети за потребите на децата од центарот „Мајка Тереза“.
Ново на Сител
-
Производителите на пченица бараат повисоки откупни цени – откупувачите не даваат
-
Тема на денот со Горан Благоев, верски аналитичар и историчар од Софија
-
Коце Трајановски нов директор на Државни патишта, СДСМ критикува
-
Чибишев и поднел пријава на Бесија Иљази зошто незаконски им исплатила 650.000 денари на договорците
-
Судскиот совет има напредок, но и уште многу работа - Реакции на меѓународната заедница
-
Радев: Мицкоски нема познавање од меѓународно и уставно право
-
Приватните превозници нема да возат, бараат исплата на долг од над 2 милиони евра
-
Ни волшебно стапче нема да помогне за учениците во седмо одделение да имаат нови учебници