Италија цврсто со САД, Франција и Велика Британија во одлуката против Сирија
Италијанскиот премиер Паоло Џентилони денеска во Парламентот рече дека Италија цврсто стои зад САД, Франција и Велика Британија во одлуката за напад на Сирија, насочен за оневозможување употреба на хемиско оружје.
- Италија не е неутрална држава, која секојпат избира на која страна ќе застане меѓу Атлантската алијанса и Русија. Таа е доследна сојузничка на САД, а не на оваа или онаа американска администрација, рече Џентилони пред пратениците во Рим.
Премиерот напомена дека Италија дала логистичка поддршка на операцијата против Сирија од заедничката воздушна база Авијано, под услов „ниту еден напад на Сирија да не почне од италијанската територија“.
-Така и беше, заклучи Џентилони.
Улогата на Италија во каква било виена акција беше посебно чувствително политичко прашање со оглед на проблемите при формирањето нова влада по изборите, кои се одржаа минатиот месец. Лидерот, пак, на коалицијата од десниот центар Матео Салвини беше против нападите.
Ново на Сител
-
Договорот за стратешко партнерство со Британија ќе биде потпишан во четврток во Лондон
-
Матурант од Струмица пронајден мртов
-
На лузните од изгореници им треба време да заздрават
-
Извештај за родова самопроценка во одбраната: Родовите стереотипи постојат, но има видлив напредок
-
Преглед на вестите од светот
-
Собранието ги констатираше оставките на Таравари, Беџети и Исмаили
-
Прва седница на Уставен без Дуковска, засега не се знае кој ќе ги превземе нејзините предмети
-
Сиљановска утре ќе го соопшти името на кандидатот за нов гувернер