Истражна постапка за лицето кое во сообраќајка кај Слупчане усмрти човек
Поведена е истражна постапка против 21-годишниот жител на Липково кој синоќа, на локалниот пат, возејќи со голема брзина, удрил во двајца пешаци, сопружници, усмртувајќи го мажот (39) и нанесувајќи и повреди на жената.
Надлежен јавен обвинител од Основното јавно обвинителство Куманово со екипа од Министерството за внатрешни работи вчера вечерта изврши увид на местото каде се случи сообраќајна несреќа во која животот го загуби едно лице.
Како што соопшти денеска Јавното обвинителство на РМ, несреќата се случила околу 21:30 часот на локалниот пат кој води кон село Слупчане. Осомничениот, 21-годишен жител од Липково, се движел со возило БМВ со кумановски регистарски таблички, кое го управувал без да поседува возачка дозвола. Возејќи со брзина поголема од дозволената, осомничениот удрил директно во двајцата сопружници.
Јавниот обвинител нареди сообраќајно техничко вештачење на возилото, како и прибирање траги од местото на несреќата. Дадена е и Наредба за вршење обдукција на телото на починатиот.
Обвинителството ги презема потребните дејства за утврдување на фактите во предметот.
Популарно од Македонија
Ново на Сител
-
Арсовска сепак назначи нов директор на Kомунална хигиена
-
Дистрибуиран гласачкиот материјал, во четири општини нема да се гласа
-
Меџити не исклучува Села да влезе во Владата, тој пак, тврди дека останува опозиционер
-
Капитални проекти, парична помош за пензионери, смарт осветлување се дел од проектите на кандидатите за скопските општини
-
Една претставка за изборите стигнала во КЗСД – утре ќе одлучуваат и за случајот со кичевскиот градоначалник Дехари
-
Силјановска Давкова: Наместо поддршка добивме уцени и услови за членството во ЕУ
-
Во исто време има и грип и Ковид-19
-
Винаријата Монтеко го промовираше премиум виното Волкано
