Ирачките сили почнаа офанзива против ИД во западните делови на земјата
Ирачките сили денеска презедоа офанзива за ослободување на градовите во западниот дел од земјата, во близина на границата со Сирија, што се под контрола на групата Исламска држава (ИД), соопштија ирачки воени претставници.
- Почнавме воена операција за ослободување на западните региони на провинцијата Анбар од ИД, изјави еден од командантите на операцијата, потполковник Касем Мохамеди.
- Операцијата ја спроведува 7-та армиска дивизија, единици на полицијата и борци од локалните племиња, поддржани од авијацијата на меѓународната коалиција под американска команда, прецизира тој.
Првата цел на офанзивата е месноста Анах, по која ќе следат Рава и Ал Каим на 330 километри северозападно од Багдад, на брегот на реката Еуфрат.
- Нашите сили напредуваат од Хадиса во правец на Анах, изјави Мохамеди.
Хадиса, на 200 километри северозападно од Багдад, е третиот по големина град во провинцијата Анбар, и се наоѓа во близина на второто по големина вештачко езеро во Ирак. По молневитата офанзива на ИД во јуни 2014 година градот беше цел на многубројни џихадистички напади, но локалните племиња успеаја да им парираат.
Во меѓу време, најмалку девет лица се убиени во напад со автомобил-бомба во доминантно шиитски кварт на Багдад, соопштија полициски извор.
Автомобил наполнет со експлозиви бил кренат во воздух во близина на отворен пазар за овошје и зеленчук, во кој загинале шест цивили и двајца полицајци. Во нападот се ранети и најмалку 15 други лица.
Ново на Сител
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари