ИД на жените во Мосул им забрани да носат бурки во затворени простории

Како своја нова мерка на претпазливост, Исламска држава во ирачкиот град Мосул на жените им забрани во зградите да носат бурки, јавија локалните медиуми.

Одлуката за забрана била донесена по неколкуте напади што врз лидери на  ИД ги извеле жени облечени во ваква облека, која го покрива целото тело и лице на жената.

На други јавни места, меѓутоа, жените и натаму ќе мораат да бидат целосно покриени.

Жените кои досега не биле облечени според прописите, наметнати од ИД, биле казнувани, јавно камшикувани, па и убивани.

Властите на Исламска држава досега забрануваа пушење, играње, слушање музика, гледање „неподобни“ телевизии, како и користење интернет.