Гимназијата во Крива Паланка доби три паметни табли
Две нови интерактивни табли набавени со финансиски средства од буџетот на општината и една обезбедена со донација од Владата на Република Македонија се набаваени и инсталирани во средното општинско училиште „Ѓорче Петров“ во Крива Паланка.
- Во контекст на продолжување на модернизацијата на наставата во нашето училиште набавивме две паметни табли, а уште една беше обезбедена преку локалната самоуправа со донација од Владата. Сите три се во функција и нивната примена наидува на позитивни коментари и од професорите и од учениците. Освен тоа, купивме и 13 телевизори кои се поврзани со ИКТ системот во училниците и се применуваат на часовите, изјави Миле Милковски, директор на училиштето.
Тој посочи дека за последната набавка одвоени се околу 800 илјади денари од училишниот буџет.
- Над 800 илјади денари сопствени средства од блок - дотации беа вложени во опрема, покрај табли и монитори, и за нагледни средства во кабинетите по биологија, хемија, физика и географија, како и за нагледни средства за електротехничката и машинската струка, рече Милковски.
Во следниот период во консултација со наставниот кадар се планира набавка на дополнителна опрема потребна за наставниот процес.
Ново на Сител
-
Се урна уште еден дел од мостот во Дрезден
-
За заемот од Унгарија ќе се гласа најверојатно во вторник
-
Гужви на „Табановце“: За излез се чека околу 40 минути
-
М-НАВ: Отворена истрага за настанот на небото над Скопје
-
ЦУК: Дождот ќе ги зголеми водостоите на реките, но не постои опасност од поплави
-
Уставниот суд бара информации од надлежните дали се спроведува одлуката за јавен превоз за сите средношколци
-
Падна првиот снег во Хрватска | ВИДЕО
-
Во рација во северно Косово запленети околу шест милиони динари и десетици илјади долари и евра