Филипче: ВМРО-ДПМНЕ користејќи ја својата неспособност, сака да ја доведе јавноста во заблуда

Реагираше Министерот за здравство. Демантирајќи ги обвинувањата, Филипче вели дека негов приоритет е подобрување на здравствените услуги во државата.

„Во моментот кога стапив на функцијата министер за здравство, пред само две години, затекнав целосно застанат проект за изградба на болницата во Штип, затекнавме непотполн проект на кој што недостасува една цела фаза на електрика во машинството.

Во таа смисла, сакам да потенцирам дека дополнителните 7 милиони евра со кои опозицијата денеска по којзнае кој пат проба да создаде медиумски процес, и кои се предвидени за изградба на КБ Штип не се за зголемени трошоци, туку се неопходни заради имплементација на фаза на електрика во проектот за машинство. ВМРО-ДПМНЕ пушти во реализација проект без една од суштинските фази на секој објект, без кој што болницата не би можела да функционира! Користејќи ја нивната неспособност и пропусти сега сакаат да ја доведат целата јавност во заблуда! – вели Филипче преку писмено соопштение.