ЕУ го почна проектот за давање платежни картички за мигрантите во Турција
Европската Унија денеска го почна проектот вреден 348 милиони евра за најранливите групи мигранти сместени во Турција, како дел од договорот за запирање на нелегалните миграции.
Околу милион мигранти, кои живеат надвор од камповите, ќе добијат платежни картички на кои секој месец ќе им се уплатува одреден износ, за тие да можат да купат храна и други основни продукти, пренесуваат американските медиуми.
Проектот денеска го почна организацијата за хуманитарна помош на ЕУ и комесарот за кризи Христос Стилијанидес. Проектот престатвува најголемата хуманитарна програма финансирана од ЕУ.
ЕУ вети издвојување на три милијарди евра за помош на мигрантите од Сирија во Турција, која, пак, за возврат очекува воведување безвизен режим за своите граѓани.
Разговорите за укинување на визите се одложени, наведуваат американските медиуми.
Ново на Сител
-
Парада на гордоста
-
Почна расправата за новата влада
-
Тема на денот со Стојанче Ангелов, директор на ЦУК
-
Почна расправата за избор на новата влада
-
Високите температури направија хаос на Задушница: Луѓето со часови чекале автобус за да отидат на гробишта
-
Се води битка со пожарите
-
Анализа: Како се случи енергетскиот колапс во регионот?
-
Колку ќе заштеди здравството со укинувањето на организациските директори?