Дождот го прекина мечот на Јотовски и Русевски во двојки

Дождот во Скопје и на терените на „Тенис парк“ не дозволи денеска да се реализира комплетната програма, а единствено без завршница остана дуелот на македонската двојка Томислав Јотовски и Предраг Русевски против вторите носители Љубомир Челебиќ и Дарко Јандриќ. Мечот е прекинат во вториот сет при резултат 1:1, а првиот сет го добија Јотовски и Русевски со 6:4 во гемови.

Попладнево анстап во двојки имаше и Шендрит Деари заедно со Вулнет Таши (Швајцарија), но загубија од Хрватите Биљешко и Гојо.

Продолжението на мечот ќе биде утрe, не пред 15 часот и по времето за одмор за Јотовски. Според програмата на теренот број 1 први четвртфиналето ќе играат Горазд Србљак против вториот носител Клаудио Фортуна од Италија, потоа е дуелот на Јотовски против првиот носител Ричард Габ (Велика Британија)