Димитров: Убеден сум дека овој изборен процес уште еднаш ќе ја потврди македонската демократија
Цврсто сум убеден дека и овој изборен процес уште еднаш ќе ја потврди македонската демократија, каква се очекува од земја членка на НАТО и од земја која забрзано се движи кон ЕУ, истакнал министерот за надворешни работи Никола Димитров на средбата со шефицата на Специјалната изборна оценска мисија на ОБСЕ/ОДИХР за набљудување на предвремените парламентарни избори што треба да се одржат на 15 јули.
Од Министерството за надворешни работи информираат дека Димитров на средбата со Лаима Лиусија Андрикиене изразил благодарност до ОДИХР за брзото распоредување на набљудувачката мисија, при што ја истакнал подготвеноста на институциите за обезбедување на неопходните услови за успешно набљудување на изборите од страна на мисијата.
Димитров го нагласил значењето на набљудувањето на ОБСЕ/ОДИХР за довербата, кредибилитетот и транспарентноста на изборниот процес.
Шефицата на набљудувачката мисија информирала за досегашните активности, при што истакнала дека набљудувањето на изборите, со оглед на здравствената криза, ќе биде спроведено со помала мисија која има целосен мандат да ги набљудува сите аспекти на изборниот процес.
– Ве уверувам дека и со ваквиот формат на Мисијата, наметнат од пандемијата, нашата работа ќе ја завршиме квалитетно и ефикасно во функција на успешна мисија за кредибилно набљудување на изборниот процес, истакнала Андрикиене, изразувајќи надеж дека овие избори ќе бидат демократски и фер по европски изборни стандарди.
Ново на Сител
-
Гервала: Не ја спроведуваме ЕУ верзијата на ЗСО доколку Белград не го спроведе Бриселскиот договор
-
САД ќе испратат во Украина оружје во вредност од 275 милиони долари
-
Сарај ќе се приклучува кон градската водоводна мрежа, намалување на притисокот во водоснабдувањето на дел на Ѓорче Петров
-
Сончево и топло со променлива облачност, попладне нестабилно со локален пороен дожд
-
Пукање на автопатот Тетово - Скопје
-
Рибочуварка на Тиквешко Езеро физички нападната од три лица
-
Во Атина уапсени две лица кои пуштале во продажба ковид тестови и медицински маски со изменет рок
-
Фамелос: Ратификацијата на меморандумите ќе ја унапредеше соработката