Бугарскиот Парламент ќе избира нова влада
Бугарското Народно собрание денеска ќе гласа за избор на новата Влада на Бугарија, предводена од мандатарот и лидер на конзервативната партија Граѓани за европски развој на Бугарија (ГЕРБ), Бојко Борисов.
Како што јави БТА, пред гласањето на пратениците, Борисов претпладнево на претседателот на Бугарија, Румен Радев ќе му го достави својот предлог за состав на неговиот нов кабинет.
Прес-службата на Кабинетот на шефот на бугарската држава вчера соопшти дека по добивањето на предлогот од Борисов, Радев ќе ги исполни своите уставни обврски и на Народното собрание веднаш ќе му предложи да ја избере предложената влада.
Во соопштението се додава и дека Радев ќе присуствува на собраниската седница на која ќе бидат избрани премиерот и членовите на неговата влада.
Веднаш по изборот, членовите на новата, трета влада на Борисов ќе положат свечена заклетва пред пратениците.
ГЕРБ на Борисов постигна договор за формирање владина колаиција со националистичкиот блок Обединети патриоти (ОП).
Ново на Сител
-
Манасиевски: Човек како Митовски не смее да биде градоначалник
-
Високите цени и потребата од нови мерки ќе се разгледуваат на ЕСС следната недела
-
Преглед на вестите од светот
-
Тема на денот со Бојан Трајковски, Асоцијација на специјализанти и млади лекари
-
Грета Тунберг на протест за Дошница
-
Преглед на вестите од светот
-
Цела недела топлотен бран – од утре мало разладување
-
Спречен обид за подметнување пожар на Водно, гори на шест локации во Македонија