Би-Би-Си: Може ли Трамп да донесе мир на Блискиот Исток
Новоизбраниот претседател на САД, Доналд Трамп, кој за себе вели дека е „уметник за преговори“, ќе се обиде да го реши хаосот на Блискиот Исток, каде преговорите се повеќе од потребни, оценува Би-Би-Си.
На Блискиот Исток и пошироко многумина размислуваат за изјавите на Трамп за време на кампањата, на неговите духовити коментари, интервјуата по изборите и првите номинации на членовите на новиот претседателски кабинет.
Аналитичарите сметаат дека неговата надворешна политика ќе се заснова на контрадикторни импулси, но и дека треба да му се даде време.
- Тој сака да преговара, така што ќе има доста можности. Човекот, кој застана на чело на најмоќната светска сила е мошне непредвидлив. Тој или ќе отвори хотел во Иран или ќе завојува со Иран, оценува Би-Би-Си во својот коментар.
Трамп ќе се соочи со голем број „сложени зделки“, со кои веројатно ќе се обиде да ги реши војната во Сирија, конфликтот во Јемен, а особено Исламска држава и групите поврзани со Ал Каеда.
Според Би-Би-Си, Трамп веќе планира да најде мировно решение за судирите меѓу Израел и Палестинците, иако неговиот прв најголем тест ќе биде решавањето на шестгодишната војна во Сирија.
Трамп неколку пати нагласуваше дека сака добри односи со Москва, како и со претседателот на Сирија, Башар ал Асад, со цел да им се стави крај на џихдистичките групации.
- Не велам дека Асад е добар човек, тој не е тоа, но тој не е наш најголем проблем, туку ИД. Ние немаме идеја кои се бунтовниците на кои им помагаме. Ќе почекаме, ќе мора да направиме длабока анализа, заклучи Трамп во една своја изјава.
Ново на Сител
-
За влез во земјава на „Табановце“ се чека два часа, на останатите премини околу еден час
-
Два хеликоптера на МВР вклучени во гасењето на пожарот кај Василево
-
Најмалку 18 лица загинаа, а 30 се ранети во три напади на жени бомбаши самоубијци во Нигерија
-
Свечља: Вучиќ ќе биде затворен ако се обиде без дозвола да влезе во Косово
-
ИНСТАТ ја коригираше грешката, на прегледот за пописните резултати напиша Македонци
-
До 14 часот на изборите за нов лидер на СДСМ гласале 28,61 отсто од регистрираните избирачи
-
Мицкоски на средба со Перински и Димитриеска Кочоска: Со ребаланс на буџетот ќе обезбедиме 250 милиони евра за инфраструктурен развој на општините
-
Бериша: Албанија нема повеќе од 1,4 милиони население