Беснеат пожари во Хрватска, објавена тревога за сите пожарникари
Поради голем број пожари кои беснеат во Хрватска, објавена е тревога за сите пожарникари во земјата, изјави главниот командир на пожарникарската служба на Хрватска, Славко Туцаковиќ.
Пожарот на планината Промина тешко дека ќе биде локализиран, а на помош на пожарникарите им пристигнаа два канадера, два ер-трактора и 100 припадници на хрватската војска.
Началникот на Штабот за цивилна заштита на Градот Дрниш, Томислав Џелалија истакна дека пожарникари, локални жители, ловци и планинари успеале да го изгаснат пожарот во населеното место Лишњак, меѓутоа се уште гори во местото Велушиќ.
Автопатот кој од синоќа беше затворен за сообраќај поради пожар и голем број пожарникарски возила, од утрово е повторно во функција.
По триесетината пожари кои вчера избија во Задарската жупанија, најмногу претпоставки околу причините се дека тие се подметнати.
Ново на Сител
-
Почна расправа за струјата
-
Од министерска во директорска фотелја – Фатмир Меџити е нов директор на Клиниката за неврологија
-
Клиниките во Скопје и Штип ќе ги лечиме на арбитража во Париз
-
На секоја втора фирма лани и било барано мито, сумите одат и до 100 илјади евра
-
Државата им плаќа да студираат на престижни универзитети, ама не го користи нивниот потенцијал
-
ЕУ очекува уставни измени и почитување на Преспанскиот договор од новата Влада
-
Ибраимовски демантира дека им се заканувал по живот на уставните судии
-
Камбовски: Распуштање на Судски не е опција