Беќаровски: Да не бевме тврдоглави Балканци со 37% вакцинирани ќе имавме помалку гробови и расплакани семејства
Бројот на починати во Македонија од ковид-19 надмина 6.437. Ако оваа бројка не Ви изгледа страшно, замислете за само една и пол година да ни ги снема Крушево и Вевчани. Премногу болно, премногу тажно.А дали можеше да биде помалку тажно?, реагира на Фејсбук д-р Нико Беќаровски.
„Да ги заборавиме на момент протоколите, кои според едни се премногу лабави, според други премногу рестриктивни, да ги заборавиме и здравствените работници, кои според едни се убијци, според други се херои, да го заборавиме и министерот кој за некои е брилијантен, за други неспособен, да ги заборавиме и свадбите, журките, кафеаните, неодговорните граѓани, за момент да ги заборавиме и нечистиот воздух, нездравата исхрана, дијабетот, дебелината, хипертензијата итн. Дали можеше оваа црна бројка да е барем сива ???
ДА, СЕКАКО !!!
Во Македонија од почетокот на јули вакцинацијата е слободна, без никакви термини и секој може да се вакцинира.
Во периодот од 10-ти август околу 1.000 наши невакцинирани граѓани починаа од ковид-19, а можеа ако сакаа да бидат комплетно вакцинирани.
Сите досега објавени студии укажуваат дека ризикот од смртен исход кај вакцинираните е најмалку 11 пати помал.
Место 1.000 нови гробови и расплачени семејства, тој број ќе беше помал од 90.
Вчера починаа 42. наши граѓани, а не мораа, само МАЛКУ ДА И ВЕРУВАА НА НАУКАТА.
А можете ли само да замислите колку поубав и посончев ќе беше овој септемвриски ден, да бевме свесни како Данците и да имавме 81% вакцинирани, а не тврдоглави Балканци со само 37% вакцинирани“, пишува д-р Беќаровски.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово