Авион падна во двор на куќа и сруши се пред себе - пилот загина

Авион од периодот на Втората светска војна се распадна во двор на куќа во Лонг Ајленд, а пилотот загина.

Несреќата се случи во средата попладнето, а во авионот за време на несреќата се наоѓал само пилотот.

Како што наведуваат тамошните медиуми, авионот оборил и неколку стебла, но за среќа не погодил ниту една куќа и никој на земјата не е повреден.

Се претпоставува дека авионот прво се распаднал во воздух, а потоа деловите почнале да паѓаат на земја, а на местото на падот избил и пожар кој многу брзо бил изгаснат.