Анкета: Аферата „Ибица“ нема да влијае на рејтингот на партиите
Аферата „Ибица”, која доведе до оставка на доскорешниот претседател на Слободарската партија на Австрија и вицеканцелар Хајнц Кристијан Штрахе нема да влијае на мнозинството избирачи при носењето одлука за кого ќе го дадат својот глас на предвремените парламентарни избори на 29 септември.
Според анкетата на телевизијата АТВ, дури 63 отсто од испитаниците тврдат дека видео снимките на кои се гледа како Штрахе и нуди на наводна внука на руски милијардер државни зделки заради финансиска помош за неговата партија – нема да има никакво влијание на нивното гласање.
Од друга страна, 18 отсто рекле дека сега, посебно, ќе ја изберат истата партија на која во 2017 година го дале гласот на редовните избори, а 11 отсто испитаници рекле дека на некој друг ќе ја дадат довербата. Според истражувањето на јавното мислење, само еден отсто одлучиле дека нема да излезат на изборите.
Анкетата е спроведена од страна на Паблик Опинион Стратеџис за потребите на АТВ во периодот меѓу 2 и 12 септември врз примерок од 2.402 Австријци со право на глас.
Ново на Сител
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово