Американските разузнавачи очекуваат продолжување на нестабилноста во Либија и во Украина

Разузнавачките агенции на САД очекуваат во Либија и во Украина да пропдолжи нестабилната ситуација.

Директорот на Националното разузнавање на САД, Џејмс Клапeр пред Конгресот изјави дека има „голема надеж“ оти во Либија набрзо ќе биде составена влада на национално единство.

Но, директорот на ЦИА, Џон Бренан истакна дека САД водат двојна политика конј Либија, од една страна вложуваат диплоамтски напори за формирање на влада на национално единство, а од друга страна преземаат антитерористички операции против Исламска држава.

Американските експерти оценуваат дека во камповите на ИД во Либија пристигнале 4.000 странски борци на обука, а и илјадници Линбијци се приклучиле кон ИД.

Клапер и Бренан го осудија и руското мешање во Украина.

- Русија се уште ја смета Украина за Мала Русија и ќе продолжи да ги користи сепаратистите за свои интереси, посочи Клапер.

Претходно, Клапер посочи дека годинава 59 држави се под сериозна закана од нестабилност.

Тој наведе дека 40 земји се соочуваат со нестабилност, која создава закана за режим или е поврзана со насилство. Додека седум држави се соочуваат со пад на централната власт, а во околу 40 земји дејствуваат екстремисти.

Како пример на држава на која во 2016 година и се заканува колапс, Клапер ја посочи Авганистан.