Активностите за итните реформи пред Националниот совет за евроинтеграции

Нацрт-планот на активности на Владата на Република Македонија подготвен врз основа на Листата на итни реформски приоритети (јуни 2015) денеска е на дневен ред на собранискиот Национален совет за евроинтеграции. 

Пратениците и другите членови на Националниот совет ќе дебатираат за активностите планирани како резултат на итните реформски приоритети, што произлегоа од Извештајот на ЕК за Македонија и од Пржинскиот договор. 

Во Собранието денеска седница ќе одржи и Комисијата за политички систем и односи меѓу заедниците, а на дневен ред се измените и дополнувањата на Законот за кривичната постапка, по скратена постапка, во второ читање, поднесени од Светлана Јакимовска и Муса Ибраими.