Преглед на вестите од светот

Американскиот претседател Доналд Трамп изјави дека средбата помеѓу рускиот претседател Владимир Путин и неговиот украински колега Володимир Зеленски е малку веројатна и дека можеби ќе бидат потребни американски авиони за да ѝ помогнат на Европа да ја заврши војната.

„Трилатералната средба ќе се случи, билатерална - не знам. Понекогаш луѓето не се подготвени за неа. Користам аналогија. Имате дете, а друго дете е на игралиштето. Тие се мразат меѓусебно и почнуваат да се тепаат. Сакате да престанат, но тие продолжуваат. По некое време сакаат да престанат. Понекогаш мора малку да се борат пред да можете да ги натерате да престанат. Но, тоа се случува веќе долго време. Многу луѓе загинаа“, рече Трамп во интервју за американскиот весник „Дејли Колер“.

Русија, пак, најави продолжување на војната со нови цели за есенската офанзива, и покрај зголемените повици од Западот за почеток на преговори.

-Во моментов, руските вооружени сили ослободија 99,7% од територијата на Луганск, остануваат помалку од 60 квадратни километри и 79% од територијата на Доњецк; 76 отсто од Херсон и 74 отсто од Запорожје. Нападите се во тек на целата линија на фронтот. Ги дефинираме задачите на поединечните групи на вооружените сили за есенскиот период“, изјави Генерал-полковник Валериј Герасимов – командантот на руската армија.

Како предуслов за прекин на огнот, Москва бара украинската армија да се повлече од целиот Доњецки регион, барање кое укранинскиот претседател   Зеленски категорично го отфрла.

Израелската армија денес го прогласи градот Газа, дом на речиси еден милион Палестинци за опасна борбена зона. На почетокот на август Израел почна копнена офанзива за осовјување на градот Газа кој го смета за последното упоришта на Хамас, истовремено засилувајќи ги воздушните напади.

Безбедносниот кабинет на премиерот Нетанјаху ќе се состане вечерва за да разговара за следните фази од офанзива за заземање на градот Газа. Во еден од вчерашните напади во градот Газа израелската армија соопшти дека убиен е Абу Обеида, портпарол на вооруженото крило на палестинското милитантно движење Хамас.

Милитнантите најави ќестока одмазда притив ИЗарел. И Јеменски бутновници Хути објавија дека подготвуваат одмазднички напади против Изарел за убиството на премиерот на владата на Хутите Ахмед Галеб Насер ал Рахави во четвротокот.